bujiku

Waziri wa Viwanda, Biashara na Masoko, Dk. Mary Nagu, akiwa Bungeni Mjini Dodoma Aprili 22, 2010

Mbunge wa Monduli na Waziri Mkuu Mstaafu, Edward Lowassa (kushoto ) akiteta na Mbuge wa Mbarali, Estherina Kilasi, Bungeni Mjini Dodoma, Aprili 22, 2010.

Waziri wa Nchi, Ofisi ya Makamu wa Rais, Mohamed Seif Khatibu (kulia) akiteta na Naibu Waziri wa Afya na Ustawi wa Jamii, Dr. Aisha Kigoda, Bungeni Mjini Dodoma Aprili 22,2010

Waziri wa Miundombinu, Dk Shukuru Kawambwa akisoma Bungeni taarifa ya serikali Aprili 22, 2010 kuhusu maendeleo ya ukarabati wa Reli ya kati unaotarajiwa kukamilika Mei 2010.

Spika wa Bunge Samuel Sitta akiongoza kikao cha Bunge Mjini Dodoma Aprili 22, 2010.

Spika wa Bunge, Samuel Sitta akiongozwa na wapambe kuingia Bungeni, Aprili 22, 2010.

Waziri Mkuu, Mizengo Pinda , Msajili wa Vyama vya Siasa, John Tendwa na Mbunge wa Busanda, Lolesia Bukwimba (kulia) wakifurahia jambo katika mazungumzo kwenye viwanja vya Bunge Mjini Dodoma Aprili 20, 2010.

Mwanasheria Mkuu wa Serikali, Jaji Frederick Werema (kulia) na Msajili wa Vyama vya Siasa, John Tendwa (katikati) wakiteta na Mbuge wa Sumve, Richard Ndassa , Bungeni Mjini Dodoma, Aprili 20, 2010

Naibu Spika wa Bunge la Jamhuri ya Watu wa China, Mhe. Yan Junqi ambaye Aprili 20, 2010 alitembelea Bunge na baadae alikutana na Waziri Mkuu, Mizengo Pinda kwa Mazungumzo.

Wasanii wakicheza ngoma ya Hiyari ya Moyo katika chakula cha jioni alichoandaliwa Naibu Spika wa Bunge la China, Mhe. Jan Junqi kwenye hoteli ya Mtakatifu Gaspar Mjini Dodoma Aprili 19, 2010.

Waziri Mkuu, Mizengo Pinda na Mbunge wa Muhambwe, Felix Kijiko (kushoto)wakitoka kwenye ukumbi wa Bunge Mjini Dodoma Aprili 19,2010

Baadhi ya wabunge wa CCM wakiwa katika mkutano wao ulioongozwa na Mwenyekiti wa Wabunge hao, Waziri Mkuu, Mizengo Pinda kwenye ukumbi wa Msekwa Bungeni Mjini Dodoma Aprili 18,2010

Mwenyekiti wa Wabunge wa CCM, Waziri Mkuu, Mizengo Pinda akijadili jambo na Spika wa Bunge Samuel Siitta (kulia) katika mkutano wa wabunge hao alioungoza kwenye ukumbi wa Msekwa, Bungeni Mjini Dodoma, April 18,2010.Kushoto ni Mbunge wa Peramiho na Kaimu Katibu wa Wabunge hao, Jenista Mhagama.

PINDA AKAGUA UKARABATI WA RELI YA KATI


RELI ya Kati kutoka Dar es Salaam kwenda Kigoma na Mwanza iliyoharibiwa na mafuriko ya Desemba mwaka jana katika maeneo ya Kilosa na Mpwapwa inatarajiwa kuanza kazi tena katikati ya mwezi ujao, Waziri wa Miundombinu, Dk.Shukuru Kawambwa ametangaza leo (Jumapili Aprili 18, 2010).

Akitoa maelezo mbele ya Waziri Mkuu Mhe. Mizengo Pinda aliyekagua ukarabati wa reli hiyo eneo la Gulwe, kilomita 101 Mashariki mwa Dodoma, Dk. Kawambwa alisema sehemu kubwa ya ukarabati imekwishakamilika na matarajio ni reli kuanza kazi Mei 14 mwaka huu.

Mipango ilikuwa inaandaliwa ili usafiri wa treni za abiria kwa reli ya kati uanzie na kukamilika Dodoma ambako kati yake na Dar es Salaam yatumike mabasi, lakini Waziri Kawambwa alisema maandalizi hayo yanaweza kukutana na reli iliyokuwa tayari Mei.

Utaratibu wa mabasi hadi Dodoma baadaye treni uliwahi kutumika mwaka 1998 wakati ulipotokea uharibifu mkubwa kutokana na mafuriko, eneo la Kilosa.

Hivi sasa usafiri wa abiria kati ya Dar es Salaam na Kigoma na Mwanza ni kwa mabasi. Kwa kwenda Kigoma ni kuzunguka kupitia Kahama, mkoani Shinyanga. Kwa mizigo ni kwa malori.

Dk. Kawambwa alisema maeneo 32 ya reli hiyo yaliharibiwa baada ya mafuriko hayo ya Desemba 28 hadi 31, mwaka jana na mpaka sasa maeneo 20 yamekwishakamilika na mengine yaliyobaki yanamaliziwa, Dk Kawambwa alisema.

Baadaye Waziri Mkuu alisafiri kwa treni umbali wa kilomita 17 na kuvuka kwenye eneo lililokamilika. Katika eneo alilopita la Chibibo, reli ilikuwa imezolewa na mafuriko na kuacha gema la kina cha mita 15 na urefu wa mita 200.

Ujenzi huo ulifanywa na kikosi cha ufundi cha Jeshi la Wananchi wa Tanzania (JWTZ) na Kampuni ya Reli TRL, tangu Februari 5 mwaka huu kwa upande wa Mpwapwa na Februari 16 kwa upande wa Kilosa, ambako mvua ilikuwa inaendelea.

Fedha ilizoombwa kwa kazi hiyo ni zaisi ya Sh. Bilioni 15 na tayari zidi ya Sh. Bilioni 10 zimekwishatolewa na kutumika.

Siku chache baada ya mafuriko hayo, Waziri Mkuu alikagua uharibifu uliofanywa katika eneo la Gulwe na kuahidi kuwa Serikali itagharimia urejeshaji wa huduma za reli na barabara zilizoharibiwa na mafuriko katika Wilaya ya Mpwapwa, mkoani Dodoma na Kilosa, mkoani Morogoro.

Waziri Mkuu alisifia kikosi cha JWTZ kilichohusika na ujenzi kwa kufanya kazi ya uhakika na kwa haraka kuweza kuirejesha katika hali ya kawaida reli ya kati ambayo ni muhimu kwa usafiri wa abiria na mizigo nchini.

Mhe. Pinda pia alikagua ujenzi wa daraja la barabara ya Gulwe ambao umekamilika na ujenzi wa daraja la Godegode la Barabara ya kilomita 60 inayounganisha makao makuu ya Wilaya ya Mpwapwa na Godegode na Lumuma.

Ujenzi wa daraja la Godegode litakalokuwa la makalavati makubwa katika eneo la mita 100 za kuvuka mto, unatarajiwa kuanza kesho (Jumatatu Aprili 19, 2010) na kuchukua miezi miwili kwa gaharama ya Sh. milioni 774.

Waziri Mkuu ambaye alikwenda Mpwapwa kwa gari asubuhi leo (Jumapili Aprili 18, 2010) alirejea Dodoma jioni ambako anahudhuria kikao cha Bunge.

Waziri Mkuu, Mizengo Pinda akikagua ukarabati wa reli ya kati katika eneo la Kidibo wilayani Mpwapwa Aprili 18, 2010 ambao unatarajiwa kukamilika mwezi ujao katikati na hivyo kuruhusu safari za treni kuanza.

Waziri Mkuu, Mizengo na Waziri wa Miundombinu, Dr. Shukuru Kawambwa (kulia) wakisafiri katika behewa la daraja la tatu kutoka stesheni ya Mpwapwa hadi Godegode wilayani Mpwapwa kwenye reli ya kati wakati alipokagua ukarabati wa reli hiyo Aprili 18, 2010 iliyoharbiwa vibaya na mafuko. Ukarabati wa reli hiyo unatarajiwa kaukamilika mwezi mei katikati na safari za treni ziataanza kama kawaida.

Waziri Mkuu, Mizengo Pinda akihutubia katika Tamasha la Kulipongeza Bunge na Serikali kwa kupitisha sheria ya kumlinda mtoto lililofanyika kwenye uwanja wa Jamhuri mjini Dodoma, Aprili 17, 2010.



PINDA AHUTUBIA TAMASHA LA WATOTO LA KUUNGA MKONO BUNGE NA SERIKALI

WAZIRI Mkuu Mizengo Pinda amelaani vikali mauaji ya kiajabu ya watoto wadogo yaliyozuka hivi karibuni katika Tarafa ya Tukuyu Wilayani Rungwe mkoani Mbeya na kuahidi kuwa Serikali itachukua hatua kali kwa wahusika watakopatikana.

Alikuwa akihutubia baada ya kupokea maandamano ya watoto kupongeza Serikali na Bunge kwa kupitisha Sheria ya Mtoto ya Mwaka 2009, kwenye Uwanja wa Jamhuri mjini Dodoma leo (Jumamosi Aprili 17, 2020).

Inasikitisha kuona kuwa watoto hao wadogo wanauawa ovyo kikatili katika namna ya kutisha huku watu wazima wapo na wanashindwa kuwalinda, alisema.

Mhe. Pinda alikumbusha kuwa matukio haya ya kuua watoto wadogo yanatokea baada ya wimbi la kuwaua walemavu wa ngozi, ambao nao wengi wao wanaowindwa ni watoto wadogo pia.

“Kila nikikaa sielewi. Watanzania tufike mahali kweli turejee na kusema matendo haya siyo ya kibinadamu, hayampendezi Mungu, hasa kuwaua watoto wadogo,” alisema.

Watoto wapatao sita wameuawa kikatili huko Tukuyu hivi karibuni na Polisi imewakamata watu kadhaa wakishukiwa kuhusika na mauaji hayo ambayo yanahusishwa na imani za kichawi.

Katika hotuba yake, Waziri Mkuu alisisitiza kuwa Serikali itahakikisha kwamba Sheria ya Mtoto ya Mwaka 2009 itatekelezwa kudhibiti maovu mengi yanayotendwa dhidi ya watoto.

“Napenda kutoa tahadhari kwamba kuanzia sasa tunapoanza utekelezaji wa Sheria hii, yeyote atakayebainika kuendeleza vitendo viovu kwa watoto atakuwa amegusa mboni ya jicho la Serikali.

“Adhabu kali itatolewa kwa yeyote atakayehusika na ukatili wa aina yoyote dhidi ya watoto. Kwa wale waliojenga mazoea ya kuwaonea watoto sasa waache mara moja, kwa sababu Sheria hii sasa itachukua mkondo wake," alisema.

Sheria ya Mtoto ya mwaka 2009, inayozingatia upatikanaji wa haki za msingi za watoto na kuendeleza ustawi wao, inachukua nafasi ya Sheria tano ambazo zilifutwa na nyingine tano zilizofanyiwa marekebisho. Inaweka kuwa mtoto ni yule mwenye umri wa miaka 18 na kurudi chini.

Ilipitishwa na Bunge katika mkutano wa 17 Novemba mwaka jana na kuanza kufanyakazi rasmi Aprili 1, mwaka huu baada ya kutiwa saini na Mhe. Rais.

Kumekuwa na lawama nchini kuwa watoto wamekuwa wakinyimwa haki zao za msingi zikiwemo za kuishi, kupata elimu, kuendelezwa na kulindwa na kutunzwa.

Maandamano hayo yaliwashirikisha zaidi ya watoto 27,000 wa shule za Msingi na Sekondari wa Dodoma, kuwawakilisha watoto wenzao nchini kote.

Waziri Mkuu, Mizengo Pinda na Spika wa Bunge, Samuel Sitta (kulia) wakifurahia zawadi walizozawadiwa na watoto wa Dodoma katika Tamasha la kulipongeza Bunge na Serikali kwa kupitisha sheria ya kumlinda mtoto lililofanyika kwenye uwanja wa Jamhuri Mjini Dodoma, Aprili 17, 2010. Wapili kulia ni Mkuu wa Mkoa wa Dodoma, Dk. James Msekela na wanne kulia ni Waziri wa Maendeleo ya Jamii, Jinsia na Watoto, Margareth Sitta.

Watoto wa Dodoma wakipita mbele ya mgeni rasmi, Waziri Mkuu, Mizengo Pinda kwa Maandamano katika Tamasha la Kulipongeza Bunge na Serikali kwa Kupitisha sheria ya kumlinda Mtoto kwenye uwanja wa Jamhuri Mjini Dodoma, Aprili 17, 2010.

Watoto wa Dodoma wakipita mbele ya mgeni rasmi, Waziri Mkuu, Mizengo Pinda kwa Maandamano katika Tamasha la Kulipongeza Bunge na Serikali kwa Kupitisha sheria ya kumlinda Mtoto kwenye uwanja wa Jamhuri Mjini Dodoma, Aprili 17, 2010.

Waziri Mkuu, Mizengo Pinda akikagua kazi za mikono za watoto wa Kituo cha Mlimwa Anglican kabla ya kuhutubia katika Tamasha la Kulipongeza Bunge na Serikali kwa kupitisha sheria ya kumlinda mototo lililofanyika kwenye uwanja wa Jamhuri Mjini Dodoma Aprili 17, 2010. Kulia ni Waziri wa Maendeleo ya Jamii, Jinsia na Watoto, Margareth Sitta

Waziri wa Kilimo, Chakula na Ushirika, Stephen Wasira (katikati) akizungumza naMWansheria Mkuu w Serikali, Jaji Frederick Werema (kulia) na Mbubge wa Musoma Mjini , Vedastus Mathayo Manyinyi kwenye viwanja vya Bunge Mjini Dodoma, Aprili 16, 2010.

Waziri Mkuu, Mizengo Pinda akizungumza na Balozi wa Tanzania nchini Afrika ya Kusini, Radhia Msuya (katikati)na Balozi wa Tanzania nchini Malawi, Patrick Tsere , Ofisini kwake Bungeni Mjini Dodoma, Aprili 16, 2010.